Бујар Ислами на клупата на Беса

Поранешниот тренер на Ренова, Бујар Ислами, е новото име на клупата на второлигашот Беса Добри Дол. Тој доаѓа на местото на Менсур Јакупи кој пред неколку дена замина од кормилото на овој тим.

Ислами има прволигашко искуство, а ја предводеше Ренова на меѓународните натпревари против Алашкерт и Хајдук Сплит.

Беса ја игра дебитантската сезона во Втората лига и во моментот се наоѓа на шестото место на табелата. Првиот предизвик за Бујар Ислами ќе биде гостувањето кај Велешта следниот викенд.