Пари Сен Жермен никако не може да се помири со фактот дека Килијан Мбапе може да замине од Париз како слободен агент следното лето. Спортскиот директор Леонардо истакна дека Реал Мадрид нема почит кон ПСЖ со сериозниот притисок што го прави кон Мбапе.
Претседателот на „кралевите“, Флорентино Перез, беше категоричен дека се надева на вести за Мбапе уште на 1 јануари, но не прецизираше дали се надева дека ќе го привлече во зимскиот преоден рок или ќе објави договор за трансфер во текот на летото.
„Тоа не може така. Преодниот рок заврши и Реал Мадрид мора да престане да се однесува на овој начин. Мбапе е играч на Пари Сен Жермен и клубот се надева дека оваа врска ќе продолжи. Ова е недостаток на почит од Реал Мадрид“, изјави Леонардо.
