УЕФА официјално го претстави логото на Европското првенство во 2024 година, кое ќе се одржи во Германија. Амблемот ги содржи шесте бои кои ја формираат основата на знамињата на 55 -те европски земји, како и контурите на Олимпискиот стадион во Берлин, кој ќе биде домаќин на финалниот натпревар.
„Логото ја претставува идејата за првенство што е отворено за сите и поттикнува разновидност. Фудбалот е област каде што секој треба да се чувствува како дома, а создавањето на амблемот за ЕВРО 2024 е првиот чекор кон изградба на овој дом во Германија. Сите симболи на шампионатот подлежат на разновидноста на навивачите“, објасни УЕФА.
Во завршницата на ЕП 2024 ќе учествуваат 24 селекции. Натпреварите ќе се играат на 10 стадиони во градовите Берлин, Келн, Минхен, Хамбург, Лајпциг, Дортмунд, Штутгарт, Диселдорф, Франкфурт и Гелзенкирхен.
Германија ќе биде домаќин на Европско првенство вторпат од 1988 година.
