Наполи е водечки тим по седум одиграни кола во Серија А со максимален број бодови. Прв следбеник на „наполитанците“ е Милан, кој има два бода помалку. Следуваат Интер со четири бода помалку и Рома која има шест бода помалку од водечкиот тим во лигата.
Златан Ибрахимовиќ, кој неодамна го прослави својот 40. роденден, знае кој ќе биде шампион на Италија.
„За кој клуб игра Златан? Милан? Значи, Милан …”, одговори легендарниот шведски напаѓач во свој стил.
„Имам 40 години, но се чувствувам како млад човек. Имам некои мали повреди, но се е решено. Едвај чекам да се вратам на теренот”, коментираше Ибрахимовиќ, кој оваа сезона одигра само 30 минути против Лацио и веднаш постигна гол.
