Серж Орие официјално е нов фудбалер на Вилјареал, објави шпанскиот клуб. 28-годишниот интернационалец од Брегот на Слоновата Коска пристигнува како слободен играч откако се раздели со Тотенхем во спогодбен договор на последниот ден од летниот преоден рок.
Договорот на Орие е за една сезона со опција за продолжување на уште две години – до летото 2024 година.
Орие ги помина медицинските прегледи и сега ќе замине во кампот на својата репрезентација пред квалификациите за СП со Малави. По паузата ќе се врати во Шпанија и официјално ќе биде претставен како играч на Вилјареал.
