Милан ја оствари шестата победа во Серија А оваа сезона победувајќи ја Аталанта во Бергамо со 2-3. „Росонерите“ имаат чиста победа, а Аталанта во самиот финиш постигна два гола за да го ублажи поразот. Сега Милан повторно е на втората позиција со 19 бода, два помалку од стопроцентниот Наполи.
Давиде Калабрија по само 28 секунди донесе водство за Милан, а го удвои Сандро Тонали во 43.минута.
Рафаел Леао се погрижи за 0-3 во 78.минута, а во финишот Дуван Запата од пенал и Марио Пашалиќ го поставија конечниот исход.
