Романскиот прволигаш Динамо Букурешт е заинтересиран за ангажман на македонскиот репрезентативец Даниел Аврамовски. Тој во моментов е слободен агент откако го раскина договорот со турскиот клуб Кајзериспор и чека адвекватна понуда за продолжување на кариерата.
Романските медиуми најавуваат дека Аврамовски треба да биде офанзивно засилување за тимот на Динамо Букурешт кој бележи слаби резултати на почетокот на сезоната.
Аврамовски покрај Кајзериспор во минатото играше и во Вардар, Работнички, Олимпија, Црвена Звезда, ОФК Белград, Војводина.
