Македонскиот прволигаш Тиквеш ќе има нов тренер. На местото на Пане Блажевски на клупата на кавадаречкиот тим треба да се седне Влатко Костов. Тој по подолг период повторно ќе се активира во македонскиот прволигашки фудбал откако последен пат ја предводеше Ренова во сезоната 2017/18.
Пане Блажевски успеа преку бараж да го внесе Тиквеш во елитата, откако во дуелот за влез во Првата лига го елиминира некогашниот шампион Силекс. Но, во Првата лига не успеа со Тиквеш да оствари посакувани резултати. Кавадаречкиот тим има два освоени бода во шест кола.
