Захариевски: Победата на Струга ТЛ во ниеден момент не беше во опасност

Македонскиот прволигаш Струга Трим Лум се пласира во осминафиналето од Купот на Македонија откако славеше со 0-2 на гостувањето против Каменица Саса.

Шефот на стручниот штаб Срѓан Захариевски вели дека победата на овој меч во ниеден момент не била доведена во опасност.

„Имавме контрола над играта во сите 90 минути иако вториот гол го постигнавме при крајот на натпреварот, но и без тоа победата во ниеден момент не ја донесовме во опасност“, изјави Срѓан Захариевски.