МАКФУДБАЛ ИГРАЧ НА МЕСЕЦОТ: Мартин Мирчевски (А.Пандев)

Прволигашките возбудувања утре се враќаат на сцена по репрезентативната пауза, а сега вистинскиот момент за сумирање на оствареното во првите пет кола од шампионатот. Шкупи и Академија Пандев имаа најдобар старт. И ако со оглед на вложувањата и амбициите тоа се очекуваше од тимот од Чаир, сепак, успешниот почеток на „пандевци“ е пријатно изненадување.

Блескавите игри на Мартин Мирчевски можеби беа и клучниот елемент за успесите на Академија Пандев.

Мартин Мирчевски е избран за МАКФУДБАЛ ИГРАЧ НА МЕСЕЦОТ (август). Избран е и МАКФУДБАЛ ТИМ НА МЕСЕЦОТ, а од клупата го предводи Александар Васоски како најдобар стратег за месец август.