Македонскиот прволигаш Тиквеш одлучи да не прави промени на тренерската позиција. Со ладни глави, неколку дена по одигрувањето на петтото коло, во периодот на репрезентативна пауза, раководството на кавадаречкиот клуб одлучи да му даде доверба на досегашниот стратег Пане Блажевски, кој го внесе тимот во елитата по пауза од речиси две децении.
Во Првата лига конкуренцијата е посилна, го почувствува тоа Тиквеш, но ќе треба да мине и одреден период на адаптација додека да дојдат и подобри резултати.
Во следното коло, по репрезентативната пауза, Тиквеш на домашен терен ја пречекува Ренова.
