Последниот натпревар од петтото коло кој се играше во Тетово меѓу Ренова и Работнички заврши 1-1. Двете екипи одиграа отворен фудбал, но на крајот ги поделија бодовите.
Ремзифаик Селмани во 25.минута донесе предност за домаќинот, но Работнички израмни со голот на Марио Станковски од пенал во 36.минута. Претходно, голманот Хадис Велии во шеснаесетникот го собори капитенот на „романтичарите“, Кристијан Стојкоски.
Во вториот дел и двата тима имаа шанси за триумф, но не успеаја да ги реализираат.
