Има сe помалку време до крајот на преодниот рок, а Барселона сака да се ослободи од репрезентативецот на Босна и Херцеговина, Миралем Пјаниќ, на кого тренерот Роналд Куман не смета.
Имаше голем интерес од Италија за искусниот босански играч од средниот ред, а шпанските медиуми вчера објавија дека останале само два тима, кои преговараат со Барселона, а тоа се Интер и Наполи.
Желбата на клубот од „Камп Ноу“ беше да го позајми Пјаниќ на тим надвор од Шпанија, но сега тие се подготвени да го дадат на еден од ривалите во Ла Лига, само за да се ослободат од неговата плата. Тоа е Атлетико Мадрид.
Остануваат само уште пет дена до крајот на преодниот рок, останува да се види како ќе се реши ситуацијата со Пјаниќ.
