Тиквеш доведе напаѓач од Либија

Македонскиот прволигаш Тиквеш одлучи да ја засили навалната линија со нов странец. Барга Нгоба Анаел е новиот напаѓач на тимот од Кавадарци. Тој доаѓа од екипата на Ал Акдар од Либија и треба да биде засилување за составот на Пане Блажевски.

Тиквеш по четири кола има само еден освоен бод и сигурно дека очекува многу подобри резултати во периодот што следи. Во следното коло, Тиквеш на домашен терен ја пречекува Струга Трим Лум.