Шпанскиот интернационалец Тео Хернандез двапати ова лето одбил фантастична понуда да биде дел од „дрим – тимот“ на Пари Сен Жермен. Спортскиот директор Леонардо сака да го засили составот на Маурисио Покетино со квалитетен фудбалер на левата бековска позиција, а негова прва цел е токму Тео Хернандез.
ПСЖ се обиде да го купи во средината на јули, но доби негативен одговор од Шпанецот. Сепак, раководството на „светците“ е упорно и доставило уште една, подобрена понуда за Тео Хернандез. Овојпат и со адут в рака дека ПСЖ е „дрим-тим“ во кој ќе настапува и Лионел Меси.
Но, Тео Хернандез и вторпат кажал „не“ на понудата на тимот од Париз. Тој сака да остане на „Сан Сиро“ и да го носи дресот на Милан.
