Фудбалската репрезентација на Бразил е првиот финалист на олимпискиот турнир во Токио. „Кариоките“ по подобро изведување пенали ја совладаа селекцијата на Мексико со 4-1 по изведување пенали. Во регуларниот тек од мечот и по продолженијата, немаше голови на полуфиналната пресметка во Кашима.
Бразил беше подобар противник во текот на дуелот и ќе го брани олимпиското злато од Рио. Ришарлисон беше блиску до погодок, но со удар со глава го погоди само дирекот.
Бразилците во големото финале ќе го очекуваат подобриот од втората полуфинална пресметка меѓу Шпанија и Јапонија.
