Македонскиот прволигаш Пелистер нема да го ризикува прволигашкиот живот. Општина Битола денеска дала ветување дека ќе го подмири долгот на клубот и ќе ја одблокира сметката, а потоа и ќе бидат регистрирани доволен фонд фудбалери за тимот „под Тумбе кафе“ да остане во елитата.
Се работи за околу 20.000 евра и би било трагично доколку за една ваква мала сума Пелистер не успее да се извлече од лошата ситуација. До четврток треба да бидат регистрирани 12 фудбалери со професионални договори, а во моментот клубот има само пет професионалци.
Веќе подолг период Пелистер е во трансформација, Пеце Стојчевски бара сериозен инвеститор на кого би го продал мнозинскиот пакет акции во клубот. Имаше најави дека тоа ќе биде британски конзорциум, барањето се разгледуваше и во Советот на општина Битола, но на крајот е констатирано дека ќе мора акциите да бидат продадени на берза.
