Македонскиот првак Шкендија вечерва (20 часот) во Мурска Собота го игра реванш натпреварот против Мура во првото квалифкациско коло од Лигата на шампионите. Словенечкиот тим има предност (0-1) од првиот дуел во Скопје, но тренерот Анте Шимунџа предупредува дека ништо не е решено на овој двомеч.
„Ништо не е решено. Имаме минимална предност од првиот натпревар, но тоа веднаш може да се смени. Мора да играме на победа и да ја искористиме секоја шанса против Шкендија. Ќе ја имаме сега поддршката на гледачите, но на реваншот мора да бидеме и подобри отколку на првиот меч“, изјави тренерот на Мура, Анте Шимунџа.
Мечот меѓу Мура и Шкендија се игра вечерва (20 часот), а ќе го суди Романецот Марсел Биршан.
