Струга Трим Лум со реми (1-1) го отвори европското поглавје во клупската историја. Бесир Исени во 90.минута израмни на 1-1 и донесе позитивен резултат за тимот на Срѓан Захариевски во пресрет на реваншот во Скопје. Шефот на стручниот штаб е задоволен од играта и од резултатот.
„Многу тежок натпревар, со навистина квалитетен противник. Резултатот е реален, двете екипи имаа по едно полувреме во кое беа подобар противник. Не очекува реванш натпревар каде се надевам дека ќе бидеме посреќни ќе го елиминираме тимот на Лиепаја“, изјави тренерот на Струга Трим Лум, Срѓан Захариевски.
Реванш мечот е закажан за 15 јули, на арената „Тодор Проески“ во Скопје.
