Силекс е второлигаш и има речиси комплетно реновиран тим и нов тренер. Но, Горазд Михајлов верува дека сепак кратовци можат добро да се претстават на меѓународна сцена.
„Се надевам дека европското лето на Силекс нема да биде многу кусо. Петрокуб за разлика од нас има непроменет тим неколку сезони и сигурно тоа е една голема предност за нив. Ја препуштаме фаворитската улога, но тоа не значи дека нема да го дадеме максимумот за да се пласираме во следната рунда од Конференциската лига на УЕФА“, изјави новиот тренер на Силекс.
Искусниот голман Даниел Божиновски исто така е оптимист и верува дека Силекс може да дојде до позитивен резултат на утрешниот меч.
