Црногорскиот интернационалец Стеван Јоветиќ е слободен агент од пред неколку дена, а би можел кариерата да ја продолжи на „Енфилд Роуд“. Неговиот договор со Монако истече на 30 јуни, а менаџерот на Ливерпул, Јирген Клоп, би сакал да го има во тимот како освежување на навалната линија.
Англиските медиуми најавуваат дека Клоп сериозно размислува за Јоветиќ како опција доколку Дивок Ориги го напушти Ливерпул ова лето. Тој може да игра и како централен напаѓач, но и како офанзивен играч за врска.
Ливерпул ќе остане без Наби Кеита и без Дивок Ориги, а германскиот стратег не сака да ја пропушти шансата да доведе искусен фудбалер за кого не треба да плати отштета.
