Легендарниот германски репрезентативец Паул Брајтнер многу тешко го прифати поразот на Германија во осминафиналето на Европското првенство. Англичаните славеа на „Вембли“ со 2-0 со головите на Рахим Стерлинг и на Хари Кејн, а тој упати големи критики за играта на германскиот тим.
„Нема повеќе лидери! Тие се ранливи души, луѓе кои се огорчени за сè. Овие младиве деца како да не се Германци, немаат карактер и победнички дух!“, критикуваше Брајтнер.
