Селекторот на фудбалската репрезентација на Франција, Дидие Дешамп, имал неволја по пристигнувањето во Букурешт. Тој останал заклучен на терасата на покривот на хотелот каде е сместена француската репрезентација. Селекторот на „триколорите“ ја заборавил картичката за отварање на вратата, го оставил во собата и мобилнјот телефон, па барал помош од случајни минувачи долу пред хотелот.
Дешамп довикнал да му помогнат, а откако тие пријавиле на хотелското обезбедување, работата брзо била завршена.
Франција за противник во осминафиналето ја има селекцијата на Швајцарија, а осминафиналниот меч се игра утре на Националната арена во Букурешт.
