Жозе Мурињо го презеде кормилото на Рома и сака да ја засили одбраната со Мерих Демирал, турскиот интернационалец кој не е во преден план во Јувентус. Сепак, „старата дама“ за него бара отштета од 40 милиони евра, а Португалецот ќе се обиде да ја намали со интересен предлог.
Мурињо е подготвен да го понуди Един Џеко на Јуве, за да ја намали финансиската вредност на трансферот на Демирал. 35-годишниот напаѓач има голема плата и дополнително го оптоварува буџетот на Рома.
Покрај Јувентус, за Един Џеко е заинтересиран и Милан, а Рома би се сложила да си замине за сума од 20 милиони евра.
