Напаѓачот Пепи Ѓоргиев го напушти Силекс и се сели во Албанија. Тој договори соработка со албанскиот првак Теута и им се придружува на Благоја Тодоровски и на Христијан Драгарски кој исто така ова лето од Пелистер пристигна во тимот од Драч.
Ѓоргиев имаше одличен голгетерски финиш во Првата фудбалска лига, но Силекс влезе во вртлог и не успеа да обезбеди опстанок откако го загуби бараж мечот против Тиквеш за пополнување на прволигашкото друштво.
