МАКФУДБАЛ на ЕВРО во Амстердам,
Никола Ѓуровски
Дуелот со Холандија в понеделник е последен на Европското првенство за македонската фудбалска репрезентација. Со оглед на големината на противникот, предизвикот е уште поголем смета Висар Муслиу.
„Одигравме два добри натпревари, но тоа не беше доволно за бодови. Без разлика на поразите, ние сме мотивирани, професионалци сме, ние овде ја претставуваме Македонија. Сите добро го знаеме стилот на игра на Холандија, за тоа воопшто не треба да се трошат зборови. Само со тимска одбрана и тимски дух, она што е наша каратеристика можеме да ги спречиме налетите на Холандија. Само на тој начин може против посилните репрезентации, ние тоа сме го покажале“ – вели Муслиу.
