Довчерашниот тренер на Наполи, Џенаро Гатузо, би можел по само дваесетина дена откако потпиша договор со Фиорентина, да го напушти клубот. Медиумите на Апенините наведуваат дека Гатузо не е задоволен од играчкиот кадар и од поставеноста на многу работи во и околу тимот. Очигледно дека не наишол на големо разбирање и кај раководните луѓе на „виолетовите“.
Гатузо по завршувањето на сезоната замина од Наполи откако во последното коло не успеа да обезбеди пласман во Лигата на шампионите. „Наполитанците“ на домашен терен не успеаја да ја победат Верона.
