Патрик Шик за феноменалниот гол од центарот: Го следев голманот (ВИДЕО)

Патрик Шик е херојот на Чешка на стартот на Европското првенство. Со неговите два гола Чесите ја совладаа Шкотска во Глазгов со 2-0. Посебно убав беше вториот гол кој Шик го постигна речиси од центарот на теренот.

„Ова е прекрасен старт за нас на ЕВРО. Вториот гол не беше случаен. Претходно забележав дека голманот Маршал излегува далеку од гол – линијата и кога ми се отвори шансата, воопшто не размислував, само шутирав силно кон голот“, изјави Патрик Шик.