Шкупи го совлада Силекс со 1-0 на стадионот „Борис Трајковски“ во Маџари и се искачи на врвот на табелата во Првата фудбалска лига со 22 бода, еден повеќе од Шкендија која утре го пречекува Работнички.
Тимот од Чаир ја искористи грешката на Даниел Карчески и стигна до важен триумф. Реализатор беше Бесар Исени во 52.минута од мечот.
Неколку минути подоцна Алварез го погоди дирекот од голот на Даниел Божиновски, а во завршницата Силекс постигна гол кој не беше признат.
