Македонската фудбалска репрезентација го загуби првиот меч на Европското првенство против Австрија. Дуелот беше коректен се до самиот крај, кога Марко Арнаутовиќ, откако постигна трет гол за Австријците, имаше неспортски гестикулации кон Езгјан Алиоски.
Тие се „закачија“ во текот на натпреварот, а Марко Арнаутовиќ кој е познат по темпераментот што често преоѓа и во препотетност, повторно се покажа во таков елемент.
Паднаа и пцовки на српски јазик и остана дилемата дали само адреналинот го стори своето или пак Алиоски и Арнаутовиќ имаат нерасчистени сметки од минатото.
