09.06.2021
Чат групата е полна со прашања и слики…Пишува Елиф, прашува што да се купи со парите собрани од казни. Дава предлог тоа да биде голем безжичен звучник. Идејата е одобрена молскавично. Опааа!!!… Изгледа ќе појачаме децибели во соблекувална.
Собирот во Скопје ем што беше подолг од вообичаено имаше и одлична наплата на казни, подобра и од УЈП. Каса и одговорно лице Елиф. Закасниш ли минута на вечера или ручек – илјадарка не ти бега. Ако ти направат повеќе од 25 подавања во шева, парот во средина си плаќа, за урок…кој не брка, си брка во џебот.. Дисциплината е важна, наплатата уште поважна… Така е редот.
Букурешт не разбуди со бучава од булеварите, насекаде сирени и утрински шпиц. Времето е измислено за прошетка и кафе. Но, строгите правила ни даваат опсег од еден спрат, 2 лифта и еден хотелски ресторан… Ристе Јанков е во паника… Според Ковид – протоколот нема да може да се користи основниот фитнес заради присуство на други лица… Мора да се задоволиме со импровизирана теретана. Но, за Ристе теретаната е од обредно значење и тука нема импровизации.
Доручек и сликање за УЕФА во опремата за играње…Малку пинг понг, плејстејшн и кафе, разговори околу тренингот….После ручекот со Роби, задолжен за обезбедување и д-р Невзат, одговорен за Ковид – протоколите се упатуваме во инспекција на ботаничката градина во Букурешт… Единствено место од затворен тип кое што домаќините го предложија како можност за прошетки според Ковид – протоколите…
Се уклучуваат сирените на возилата на џандармеријата и двата наши автобуси се упатуваат кон стадионот на Стеауа.. Тренингот на крајот се заостри, 3 групи, во едната Мрме, 8 на 8, турнирски, емоциите се затегнаа, беше фаул, не беше, Нестор седнат на боксовите за вода суди во Колина елемент, а Мичка му помага… Конечно, го имаме победникот…Виолетовиот тим.
Назад во хотел вечера и едукација од страна на инструктори од УЕФА за и околу правилата на игра и употребата на ВАР… Сите со подарок топка од Чеферин ја напуштаат салата за состаноци… Физио собата ќе биде главно свратилиште… ќе се анализира кој на кого не му подаде…
продолжува
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski