Карим Бензема не е сериозно повреден и ќе биде подготвен за настап во селекцијата на Дидие Дешамп на Европското првенство. Напаѓачот заработи лесна повреда на пријателскиот натпревар против Бугарија и беше повлечен од игра по само 40 минути, но, за среќа, не се работи за ништо сериозно и тој ќе може да се врати на тренинг по само 48 часа.
Бензема по цели шест години повторно е во репрезентацијата на Франција и треба да биде голем адут на „триколорите“ во обидот да ги обединат светската и европската титула.
