Дони ван де Бек го минува најтешкиот период во кариерата. Откако цела сезона беше во втор план во Манчестер јунајтед, тој се здоби со повреда пред почетокот на Европското првенство.
Од Холандија пристигна потврда дека Франк де Бур го тргна од списокот на играчи, бидејќи тој нема да биде подготвен да игра на шампионатот. Нема да повикува друга замена за неговото место.
Холанѓаните се значително ослабени и поради отсуството на дефанзивецот Вирџил ван Дајк.
Македонија ќе игра против Холандија на 21 јуни на „Јохан Кројф“ арена во Амстердам.
