Младата фудбалска репрезентација на Германија е победник на Европското првенство за селекции до 21 година. Во финалето на „Стожице“, Германците ја совладаа селекцијата на Португалија со 1-0. Стрелец на победничкиот гол беше Лукас Нмеча.
Напаѓачот на Андерлехт успеа да ја затресе мрежата на Португалците во 49.минута и Германија ја задржа минималната предност до самиот крај.
Европското првенство за фудбалери до 21 година беше одлична увертира за сениорскиот спектакл низ цела Европа кој стартува на 11 јуни.
