Капитенот на Реал Мадрид, Серхио Рамос, многу веројатно ќе го напушти „Сантијаго Бернабеу“ ова лето, а покрај понудите од Пари Сен Жермен и од Манчестер Сити, се појави и нова опција каде да ја продолжи кариерата. Неговиот поранешен клуб Севилја би сакал да го има одличниот дефанзивец во тимот.
Серхио Рамос во далечната 2005 година од Севилја се пресели во Реал Мадрид, клуб со кој, по 671 настапи, нема да го продолжи договорот. Многу брзо треба да биде позната неговата следна дестинација.
Рамос иако е капитен на фудбалската репрезентација на Шпанија не беше избран од селекторот Луис Енрике за настап на претстојното Европско првенство.
