Серхио Агуеро замина од Манчестер Сити по една деценија и потпиша за Барселона, а менаџерот Пеп Гвардиола многу емотивно го доживеа тој момент и заплака давајќи изјава за медиумите. Сепак, татко на Агуеро, Леонел Ел Кастиљо, го обвини менаџерот на Манчестер Сити дека глумел кога плачеше по прошталниот натпревар на неговиот син во дресот на „граѓаните“.
„Не верувам во солзите на Гвардиола. Тој тогаш рече дека Агуеро е незаменлив и дека сите во клубот многу го сакаат. Верувајте, тој е само добар глумец пред камерите. Никогаш не го сакаше Серхио во тимот. Пеп само сака секогаш да биде во центарот на вниманието“, изјави таткото на Агуеро и даде нова димензија на разделбата меѓу Агуеро и Манчестер Сити.
Најдобриот стрелец во историјата на Манчестер Сити кариера ја продолжува на „Камп Ноу“. Потпиша договор на две сезони со Барселона.
