Македонскиот репрезентативец Аријан Адеми пишува нова историја на хрватскиот фудбал. Со Динамо Загреб освои двојна круна оваа сезона, заедно со Стефан Ристовски, а тоа е вкупно 19.трофеј за Адеми откако во 2010 година пристигна на „Максимир“.
Статистиката вели дека тој самиот има освоено повеќе трофеи во хрватскиот фудбал од Хајдук Сплит, најголемиот ривал на Динамо Загреб. Адеми има десет шампионски титули со „модрите“, синоќа стигна до шестиот пехар во Купот на Хрватска, а во колекцијата има и три Суперкупа.
Хајдук Сплит од независноста на Хрватска има освоено 17 трофеи.
