Пелистер имаше одлична пролет, успеа да се извлече од зоната за испаѓање и на крајот го заврши шампионатот на шестата позиција на табелата во Првата лига. Едно од најдобрите засилувања за „пелистерци“ беше Омар Гоудијаби кој и во завршниот меч од сезоната против Беласица (2-0) направи магија.
Со неверојатни дриблинзи ја надмудри гостинската одбрана и постигна прекрасен гол. Овој гол е избран за најдобар во 33.коло од Првата фудбалска лига во изборот на МАКФУДБАЛ.
