Голманот на италијанскиот калчолигаш Рома, Пау Лопез, предвреме ја заврши сезоната поради повреда на рамото. Тој ќе мора да замине на операција, а рехабилитацискиот процес ќе трае околу три месеци.
Лопез повредата ја заработи на првиот полуфинален меч против Манчестер Јунајтед, а Рома на крајот загуби со 2-6, што беше клучно за елиминација од Лигата на Европа.
Пау Лопез дојде во Рома од Бетис во 2019 година за сума од 23,5 милиони евра, а досега одигра 76 натпревари за „волчицата“.
