Аријан Адеми беше стрелец на четвртиот гол за потврда на триумфот (4-1) на Динамо Загреб против Горица и пласман во финалето на Купот на Хрватска. Тој влезе на почетокот на второто полувреме со оглед дека Горица имаше водство по првиот дел, а Динамо Загреб мораше да игра продолженија за да стигне до целта.
Стефан Ристовски беше стартер во тимот на „модрите“ и одигра 80 минути, а потоа на негово место во игра влезе Петар Стојановиќ.
Во финалето на Купот на Хрватска, Динамо Загреб за ривал ќе го има составот на Истра.
