Европското фудбалско семејство од сезоната 2021/22 ќе биде побогато за уште едно натпреварување – Лига на конференции, а токму таму ќе се натпреваруваат македонските клубови. Според калкулаторот на УЕФА, македонските клубови ќе бидат носители во првото коло од квалификациите за Лигата на конференции.
Како можни ривали, македонските учесници во новиот европски куп ќе добијат тимови од Финска, Грузија, Малта, Исланд, Велс, Северна Ирска, Гибралтар, Естонија, Црна Гора, Косово, Андора и Сан Марино.
Во Лигата на конференции ќе се натпреваруваат вкупно 140 клубови, а 17 од нив ќе успеат да се пласираат во групната фаза.
