Суперлигата пропадна, а Милан заедно со Јувентус и Интер требаше да биде вклучен во овој амбициозен план на 12 европски клуба. Директорот Паоло Малдини вели дека не знаел ништо за ова и смета дека Милан треба да им се извини на фановите.
„Немав поим за Суперлигата. Не бев информиран, сопствениците на клубот одлучувале за да се приклучи клубот во овој проект. Никогаш не бев вклучен во било какви разговори на оваа тема. Но, јасно е дека навивачите мора да бидат прашани дали Милан треба да се приклучи на една таква лига од поширок карактер. Ние полека се издигнуваме повторно, сакаме да бидеме дел од елитата“, изјави Малдини.
