Ѓоко Хаџиевски го одведе Емирати во елитата

Поранешниот македонски селектор Ѓоко Хаџиевски, единствениот наш тренер кој со успех долги години работи на интернационалната сцена, успеа да го врати тимот на Емирати во фудбалската елита на ОАЕ. Со убедлив триумф над Масафи (6-0), составот на Емирати обезбеди недостижна предност пред конкурентите и практично осигура камбек во најдоброто фудбалско друштво на Обединетите Арапски Емирати.

Ова тимот на Емирати го заслужи и минатата сезона, но првенството беше прекинато предвреме поради пандемијата на коронавирусот. Сепак, и во новиот шампионат тимот на Хаџиевски, чии помошници се Никола Аврамовски, Филип Деспотовски и Филип Маџовски ја оствари целта.