Атлетико Мадрид повторно е лидер во Ла Лига, овојпат со еден бод предност во однос на градскиот ривал Реал Мадрид. Тимот на Диего Симеоне ремизираше (1-1) на гости против Бетис и по 30.коло има 67 бода.
Јаник Караско уште во петтата минута донесе предност за Атлетико Мадрид, но израмни Кристијан Телјо во 20.минута. Бетис имаше неколку шанси и за комплетен пресврт, но Јан Облак бранеше одлично и не дозволи нов пораз на мадридскиот тим.
