Арсенал се вмешува во трката за фудбалерот на Манчестер Јунајтед, Џеси Лингард. Англичанецот моментално е позајмен на Вест Хем, а досега има постигнато осум погодоци на девет средби во Премиер – лигата.
Се вели дека “топџиите” веќе имале во план да го ангажираат англискиот играч за врска во зимскиот преоден рок, но Манчестер Јунајтед ја одбил понудата. Иронично, причината за ова била што Јунајтед не сакал да го позајми на клуб што го сметаат за сериозен ривал за четирите места кои водат во Лигата на шампиони.
Но, според англиските медиуми, тимот на Микел Артета е импресиониран од неговата неодамнешна форма и се вели дека веќе започнал контактни за негов потенцијален трансфер.
