Шкендија трча кон титула, Шкупи ја спаси Ренова, Вардар од Битола кон бездната

Шкендија го совлада Силекс со 2-1 и ја зголеми предноста на врвот на табелата. Шкупи неочекуано загуби дома од Ренова со 1-2 што „гипсарите“ ги извлече од опасната зона. Таму падна Вардар, заедно со Силекс, откако го загуби вечното дерби во Битола со 2-0.

Работнички со 2-1 го совлада Борец со три гола во финишот, а Струга Трим Лум беше подобра од Беласица со 3-1.

Шкендија со многу мака го совлада Силекс. Валмир Нафиу донесе водство во 63.минута, но Пепи Ѓоргиев израмни во 76.минута. Сепак, Бесарт Ибраими со голот во 86.минута погоди за 2-1 и триумф на Шкендија.

Ренова изненади против Шкупи и славеше со 1-2. Ален Јашароски во осмата минута и Ненад Мишковски во 68.минута беа стрелци за „гипсарите“. Илирид Адеми во финишот намали на 1-2.

Пелистер го совлада Вардар со 2-0. Искусниот Борче Маневски беше двоен стрелец за битолскиот тим. Во 17.минута го отвори резултатот, а во финишот од пенал го постави конечниот епилог.

Фахрудин Ѓурѓевиќ е херојот на Работнички на дуелот со Борец. „Романтичарите“ славеа со 2-1, а Борец поведе во 82.минута со голот на Адили. Но, веќе во следниот напад Ѓурѓевиќ израмни со удар откосо од десната страна, а во 91.минута го донесе и триумфот.

Струга Трим Лум го разби малерот и ја совлада Беласица со 3-1. Александар Ристевски донесе водство во 18.минута, Клисман Цаке со петица даде неверојатен гол за 2-0, а на почетокот на вториот дел Каланоски си постигна автогол. Кон крајот и Цаке со автогол забележа погодок за Беласица.

Вчера, Академија Пандев славеше со 1-2 на гости против Македонија Ѓорче Петров.

ПРВА ЛИГА, 25.КОЛО

ШКЕНДИЈА – СИЛЕКС 2-1

ШКУПИ – РЕНОВА 1-2

ВАРДАР – ПЕЛИСТЕР 2-0

РАБОТНИЧКИ – БОРЕЦ 2-1

СТРУГА ТЛ – БЕЛАСИЦА 3-1

МАКЕДОНИЈА ЃП – АКАДЕМИЈА ПАНДЕВ 1-2