Пари Сен Жермен доби жесток удар од најголемиот ривал Лил откако загуби со 0-1 на „Паркот на принцовите“. На седум кола до крајот, Лил повторно има три бода предност во однос на ПСЖ и тренерот Маурисио Покетино знае дека ќе биде многу тешко за неговиот тим да ја одбрани титулата во Франција.
„Ќе биде тешко. Ова е голем удар, но мораме веднаш да се исправиме и да се подготвиме за дуелите со Баерн Минхен во Лигата на шампионите“, изјави Маурисио Покетино.
Пари Сен Жермен освои седум титули во последните осум сезони во францускиот шампионат.
