Фудбалскиот национален тим вечерва (20.45 часот) го има најголемиот предизвик досега, ќе излезе на мегдан против поранешниот светски првак Германија во Дуисбург. Мотивот да се прикаже одлична игра е огромен, а селекторот Игор Ангеловски се обидува да го симне притисокот од фудбалерите.
Утринската прошетка низ Диселдорф треба да внесе дополнителна свежина кај фудбалерите, да ги „размрда“ дополнително пред големиот дуел. Овековечен е моментот, можеби ќе биде и нов историски момент, доколку Македонија успее да оствари позитивен резултат против големиот фаворит.
