Манчестер Сити потврди, Агуеро на лето го напушта „Итихад“

Аргентинскиот интернационалец Серхио Агуеро по една деценија ќе го напушти Манчестер Сити. Ова го потврди официјално и англискиот премиерлигаш истакнувајќи дека нема разговори со најдобриот стрелец во историјата на клубот за продолжување на соработката.

Агуеро ова го најави претходно истакнувајќи дека му е потребна промена на средината. Тој е во преговори со Барселона да се пресели на „Камп Ноу“ како слободен агент, а во опција се и Пари Сен Жермен и Јувентус.