Фудбалерот за врска на Реал Мадрид, Тони Крос, донел одлука да стави крај на настапите во репрезентацијата на Германија по завршувањето на Европското првенство. Иако оваа негова одлука се уште не е официјално објавена, сепак, ја соопштил на соиграчите од „кралскиот клуб“, а ја дознаа и шпанските медиуми.
Крос сака да се посвети на клупската кариера и сака да им остави простор на помладите сонародници да се докажуваат во дресот со државниот грб.
Крос иако се уште релативно млад, со 31 година, веќе има 101 одигран натпревар во националниот тим, а постигна 17 гола. Дебитираше во сега далечната 2010 година.
